[Born_To_Love]

Kiev - Një fshat në Ukrainë dëshiron të quhet Xhekson për të bërë të pavdekshëm yllin e muzikës dhe për të tërhequr turistë, i deklaroi AFP-së një i zgjedhur lokal, të cilit i ishin drejtuar fansat e këngëtarit të ndjerë.


Banorët e Oktiabrskojes, i quajtur kështu për nder të revolucionit bolshevik të tetorit, "më kanë drejtuar një kërkesë të tillë", shpjegoi Oleg Kislitsyne, deputet në Parlamentin e rajonit të Zaporijias (600 kilometra në juglindje të Kievit).

"Ka shumë fansa të Michael Jackson atje, ata dëshirojnë ta bëjnë të pavdekshëm, të krijojnë një shtëpi muze, të mbledhin atje një koleksion disqesh", siguroi ai.

"Është një zonë e dëmtuar, të gjitha uzinat janë mbyllur. Ata shpresojnë se kjo do të tërheqë turistë", vërejti gjithashtu ai.

Këshilltarë të deputetit rajonal kanë shkuar sot në vend për të folur me banorët dhe për ta studiuar çështjen nga afër. Këshilli bashkiak duhet ta shqyrtojë çështjen në gusht.

I pyetur mbi lidhjet mes këngëtarit të popit dhe fshatit ukrainas, deputeti u përgjigj se planeti ishte në mes të një procesi "mondializimi".

"Unë nuk jam fans i tij, por e respektoj veprën e tij. Ai kishte një vullnet të hekurt për të fituar", shtoi ai.

[Evis]

Ça nuk ben vaki sot..